اخواتي المخطوبات
السلام عليكم ورحمة الله وبركاتة
انا اتشرفت باني سجلت واتمكنت من التسجيل في المنتدى الاكثر من رائع
ويارب من نجاح لنجاح على طول
المخطوبات اخواتي بمواقف عائلية مع الحماة والعائلة
وكئنهم بيحكوا مواقف وطرائف
بس نادرا ما اشوف حد بيتكلم عن الحب والمشاعر والاحاسيس مع انها موجودة
يا اخواتي
اجمل فترة في عمر اي بنت هي فترة الخطوبة ولو انتي اهتميتي بمواقف حماتك
وعائلتك ومشاكل العائلتين مع بعض عمرك مهتعرفي تعيشيها
بجد الكلام دة عن تجربة شخصية كل واجدة فينا بتحلم باليوم اللي هتتخطب فية علشان تحب
وتتحب وتخرج مع خطيبها وتسمع الكلام الجميل اللي اي بنت بتحبو وبتحب تسمعو
زي كلمة بحبك وزي كلمة وحشتيني وزي كلمة بعشقك وزي الغيرة
لما تحسي ان خطيبك بيغير عليكي بتبقي اسعد واحدة في الدونيا
فسيبك من المشاكل او الكلام وقالت وعادت وعملت وخلت وسوت
واهتمي بخطيبك اهم حاجة انو يكون راجل وجدع وبيحبك
سيبك من اللي حوالية اهتمي بيه هو
واوعي تحرمية من اجمل حاجة في الدنية بل فيالعالم كلة وهي كلمة بحبك
لانك متعرفيش الكلمة دي بتعمل اية في اي راجل
دبتخلية نفسة يجيبلك حتة من السماء يقدملك نفسة على طبق من ذهب
لان كلمة بحبك دي مش كلمة عادية كلمة بتهز القلوب بتزلزل المشاعر
بتخلي القلب وجسمك كلة يشعر برعشة غريبة
الحب هو مشاعر وسهر واشواق ودموع وغيرة وامل الحب
هو سفير المشاعر والامل
الحب هو المستقبل لانة بيخليكي تشوفي مستقبلك مع حبيبك واللي اخترتية علشان يكمل
معاكي حياتك اللي جاية
اذاي تشعري بكلامي
اسمعي اغاني رومانسية شوفي اجمل اغنية رومانسية وشغليها وفضي عقلك م كل حاجة
نامي على السرير وحطي مخدة وراء ظهرك وغمضي عينك وخدي شهيق براحة كبير واخرجية
بردو براحة ثلاث مرات وفكري في خطيبك وفي كل حاجة حلوة بيعملهالك
هتشوفي اد اية هو بيحبك وهتحسي وانتي بتسمعي الاغنية وسرحانة معاها
اد اية انتيبتحبية وبتتمني انك تكوني معاة بقية عمرك
بجد اوعدوني انكم تجربوا التجربة دي وتقولولي رايكم اية بصراحة
وانا عندي اغنية نفسي تسمعوها وتكون هي دي الاغنية اللي تجربوا بيها
ودي الاغنية
واخر نصيحة مني اوعي اوعي تبخلي علية بكلمة حب او بكلمة حلوة لان خطيبك بيكون طالع عينة في
الشغل وفي العمل علشان يجيبلك كل اللي بتتمنية وكل اللي بتحبية ويجيب ويكون
عش الزوجية فبيكون محتاج منك كلمة تشجيعية يعني كلمة حب تصبرة على
المشقة اللي هو فيها
مكسوفة تقوليلة حاجة زي دي
بلاش اكتبي ورقة فيها كلام حلو واديهالو وقوليلة متفتحاهش الا لما تمشي
او سمعية اغنية ولما تعجبة قوليلة انها اهداء منك لية
في اشياء كتيرة ممكن تعبري بيها عن حبك من غير ما تتكلمي
وافتكري حاجة واحدة بس
ان الانسان مواقف
بجد بجد هكون اسعد واحدة لو عرفت ونجحت اني اوصلكم الموضوع دة
اتمنى تشجعوني علشان اكتب اكثر
وتقولولي اية رايكم وفعلا تجربوا وتسمعوا الاغنية
لانها بجد اغنية معبرة وروعة
تحياتي
ليست هناك تعليقات:
إرسال تعليق